Мадриднинг "Реал" клуби Испания кубогида сенсацион тарзда "Альбасете" меҳмони бўлиб, 2:3 ҳисобида мағлубиятга учради. "Қироллик клуби" қанот ҳимоячиси Дани Карвахаль муваффақиятсиз ўйиндан сўнг жамоа мухлисларига мурожаат қилди.
"Қаттиқ меҳнат қилишимиз, ўйинимизни яхшилашимиз керак. "Реал" ҳозир ўз даражасида эмас. Биз максимал даражада ишлашга ваъда бераман," - дея испаниялик ҳимоячининг сўзларини келтиради Marca газетаси.
Қайд этиш жоиз, бу Альваро Арбелоанинг "қаймоқранглилар" бош мураббийлигидаги дебют ўйини бўлди.
"Реал" кейинги турни Испания чемпионатида "Леванте"га қарши ўтказади. Ўйин 17 январь куни бўлиб ўтади.
