"Реал"нинг собиқ футболчиси Предраг Миятовичнинг фикрича, "қаймоқранглилар"нинг Испания Кубогида "Альбасете"дан учралган мағлубияти (2:3) чуқур инқирознинг оқибати бўлди.
"Бу ўйин Суперкубокдаги ашаддий рақибдан учралган мағлубиятдан сўнг бўлиб ўтди, мураббий ўзгарди, футболчилар кучсизроқ жамоага қарши ўйинда ҳамма нарса қўлимиздан келмайди деб ўйлашди - мана нима бўлди," - деди Миятович AS'га.
Шунингдек, фахрий вазиятни мураббийлар штаби ёки клуб раҳбарияти эмас, балки фақат футболчиларнинг ўзлари тузатиши мумкин, деган фикрни билдирди.
Миятович жамоада катта шахслар йўқлигидан афсусда эканини айтди. Собиқ футболчи кийиниш хонасида Кроос, Рамос ёки Модрич бўлганида хотиржамроқ бўлишини таъкидлади.
"Бу жамоада Хаби Алонсо ёки Арбелоанинг фикридан қатъи назар, яққол етакчи йўқ. Агар "Реал" бундай етакчини топа олмаса, унда жиддий муаммолар бўлади," - дея хулоса қилди Миятович.
