"Манчестер Юнайтед" ярим ҳимоячиси Бруну Фернандеш Мюнхеннинг "Бавария" клубига ўтиши мумкин. Бу ҳақда журналист Питер Холл маълум қилди.
Манбага кўра, 31 ёшли португалиялик футболчига "Бавария" жиддий қизиқиш билдирмоқда. Қайд этилишича, Германияга кўчиб ўтиш "қизил иблислар" юлдузи учун ҳақиқий имкониятдир.
Жорий мавсумда Фернандеш барча мусобақаларда 20 та ўйинда майдонга тушиб, бешта гол урди ва тўққизта голли узатмани амалга оширди.
Футболчининг "Манчестер Юнайтед" билан амалдаги шартномаси 2027 йилнинг ёзида якунига етади. Transfermarkt маълумотига кўра, хавбекнинг нархи 40 миллион еврони ташкил этади.
