Лондоннинг "Арсенал" клуби раҳбарияти жамоа бош мураббийи Микель Артетанинг ишидан мамнун. Инсайдер Николо Скиранинг ижтимоий тармоқлар орқали маълум қилишича, "канонирлар" мутахассис билан меҳнат шартномасини 2029 йилгача узайтирмоқчи.
Испаниялик мураббийнинг лондонликлар билан амалдаги шартномаси муддати келаси йилнинг июнь ойида якунига етади. Микель 2019 йилдан бери "Арсенал" бошқарувида ишламоқда.
Англия Премьер-лигасининг жорий мавсумида "канонирлар" 49 очко билан энг яқин таъқибчисини 6 очкога ортда қолдириб, мусобақа жадвалида пешқадамлик қилмоқда. УЕФА Чемпионлар лигаси умумий босқич жадвалида ҳам Артета жамоаси биринчи ўринда бормоқда.
