"Кристал Пэлас" ярим ҳимоячиси Адам Уортон Премьер-лиганинг яна бир топ-клуби шорт-листига киритилди.
TEAMtalk журналисти Дин Жонснинг хабар беришича, Лондоннинг "Тоттенхэм" клуби 21 ёшли хавбекнинг трансфер имкониятларини зимдан ўрганишни бошлаган. Айни пайтда "шпорлар" яқин икки трансфер ойнасида футболчини сотиб олиш эҳтимоли қандайлигини аниқлашга ҳаракат қилмоқда.
Айтиш керакки, Уортонга Мадриднинг "Реал", "Манчестер Юнайтед", "Челси" ва Европанинг бошқа топ-клублари қизиқиш билдирмоқда.
Жорий мавсумда Уортон барча мусобақаларни қўшиб ҳисоблаганда 29 та ўйинда майдонга тушди ва 3 та голли узатма муаллифига айланди.
