"Бавария" вингери Майкл Олисе Бундеслига 17-туридан ўрин олган "Кёльн"га (3:1) қарши баҳсда Серж Гнабрига ассистентлик қилди.

Жорий мавсумда франциялик футболчи Германия чемпионатининг 17 ўйинида 10 гол ва 9 ассистни ўз ҳисобига ёздириб қўйди.

Олисе Бундеслиганинг энг яхши ассистенти ҳисобланади, унинг энг яқин таъқибчиси Луис Диасда 8 та голли узатма бор. "Гол+пас" бўйича вингер Бундеслигада 24 (20+4) очко жамғарган Харри Кейндангина ортда қолмоқда.

Шунингдек, Олисе топ-5 лигаларда энг яхши ассистент ҳисобланади. АПЛда 8та ассист билан Бруну Фернандеш ("МЮ"), Ла Лигада 7та ассист билан Ламин Ямал ("Барселона") ва Луис Милья ("Хетафе"), А Серияда 6та ассист билан Хесус Родригес ва Нико Пас (иккаласи ҳам "Комо"), Лига 1да 6та ассист билан Витинья ("ПСЖ") пешқадамлар рўйхатидан ўрин олган.