"Атлетико" ўзининг расмий сайтида вингер Жулиано Симеоне билан шартномани узайтирганини эълон қилди. 23 ёшли футболчи 2030 йилнинг ярмигача мўлжалланган меҳнат шартномасини имзолади.
Жулиано Симеоне - "Атлетико" бош мураббийи Диего Симеоненинг ўғли. Футболчи "матрасчилар" сафида 78 та расмий ўйин ўтказиб, ўз ҳисобига саккизта гол ва 16 та голли узатмани ёздириб қўйган.
"Атлетико" Испания чемпионати турнир жадвалида тўртинчи ўринда бормоқда. Диего Симеоне жамоаси Ла Лиганинг навбатдаги ўйинини 18 январь куни ўз майдонида "Алавес"га қарши ўтказади.
