"Atletiko" o‘zining rasmiy saytida vinger Juliano Simeone bilan shartnomani uzaytirganini e’lon qildi. 23 yoshli futbolchi 2030 yilning yarmigacha mo‘ljallangan mehnat shartnomasini imzoladi.
Juliano Simeone - "Atletiko" bosh murabbiyi Diyego Simeonening o‘g‘li. Futbolchi "matraschilar" safida 78 ta rasmiy o‘yin o‘tkazib, o‘z hisobiga sakkizta gol va 16 ta golli uzatmani yozdirib qo‘ygan.
"Atletiko" Ispaniya chempionati turnir jadvalida to‘rtinchi o‘rinda bormoqda. Diyego Simeone jamoasi La Liganing navbatdagi o‘yinini 18 yanvar kuni o‘z maydonida "Alaves"ga qarshi o‘tkazadi.














