"Барселона" президенти Жоан Лапортанинг маслаҳатчиси Энрик Масип "Реал"нинг Испания Кубогидан сенсацион тарзда чиқиб кетгани ҳақида фикр билдирди.
Чоршанба куни "қаймоқранглилар" "Альбасете"га 2:3 ҳисобида ютқазди.
"Ажойиб оқшом бўлди. "Альбасете" гол урганида, мен хотинимга: "Бу ақл бовар қилмайди, бундай бўлиши мумкин эмас," дедим. Бу ҳақиқий ҳис-туйғулар тўлқини эди. Сен хурсанд бўласан, чунки бу асосий рақиб ва энди улар турнирдан чиқиб кетишди. Аммо бизни Сантандерда жуда қийин ўйин кутиб турибди. Бу турнирда сенсациялар бўлиб туриши мумкин," - деди Масип TV3 Fan Zone дастурида.
Испания кубоги доирасидаги "Расинг" - "Барселона" учрашуви Тошкент вақти билан 01:00да бошланади.
