"Реал"да мураббий ўзгарди - Хаби Алонсо ўрнини Альваро Арбелоа эгаллади. Ёзда мадридликлар мураббийлик лавозимига янада нуфузли мутахассисни олиб келишлари эҳтимолдан холи эмас.
COPE’нинг El Partidazo дастурида журналист Альфредо Реланонинг айтишича, Алонсонинг истеъфоси уни ҳайрон қолдирмаган, чунки "Реал" президенти Флорентино Перес Испания Суперкубоги финалида "Барселона"дан учралган мағлубиятдан жиддий жаҳли чиққан.
Реланонинг фикрича, Перес Жозе Моуриньони "Реал"га қайтаришга уриниб кўриши мумкин.
"Унинг якуний ғояси - Моуриньони қайтариш. Бу Флорентино чинакамига мамнун бўлган ягона одам эди. Агар у Жозени қайтариб қолса, ҳайрон бўлмайман," - деди журналист.
"Реал" чоршанба куни "Альбасете"га (2:3) сенсацион тарзда ютқазиб, Испания кубогини тарк этди.
Жозе Моуриньо ҳозирда ўз юртида "Бенфика"га устозлик қилмоқда. У "Реал"да 2010-2013 йилларда ишлаган.
