Мадриднинг "Реал" клуби жамоанинг деярли барча футболчилари жорий мавсумда ўз имкониятларидан паст даражада ўйнашмоқда, деб ҳисобламоқда.
"Қироллик клуби"даги инқироз ҳақидаги гап-сўзлар Испания Кубогида "Альбасете"дан учралган сенсацион мағлубиятдан сўнг (2:3) янги босқичга кўтарилди. COPE хабарига кўра, клуб ичидагилар ўйинчиларнинг аксарияти ўзини анча яхши кўрсата олишига ишонишади. Фақат икки киши бундан мустасно - ҳужумчи Килиан Мбаппе ва дарвозабон Тибо Куртуа. Француз ва бельгияликка ҳеч қандай эътироз йўқ.
Эслатиб ўтамиз, ҳафта бошида Хаби Алонсо "қаймоқранглилар" бош мураббийлигидан истеъфога чиқарилган, унинг ўрнига Альваро Арбелоа бош мураббий бўлганди.













