"Барселона" бош мураббийи Ханс-Дитер Флик Испания кубогида "Расинг" устидан қозонилган ғалабадан сўнг (2:0) рақибнинг кучига баҳо берди.

“Жоан Гарсия яна майдонга тушди, чунки у бизнинг биринчи рақамли дарвозабонимиз ва у бугун бизга керак эди. Кейинги Копа дель рей ўйини учун кўрамиз, балки у чарчаган бўлса ва дам олишга муҳтож бўлса, бошқа бировни майдонга қўйишимиз мумкин.

Бугунги ўйинга муносабат жуда яхши эди. Захирадан тушган Фермин билан жуда хурсандман.

"Расинг" жуда яхши эди, ажойиб жамоа. Эҳтимол, келаси мавсум Ла Лигада улар билан учрашамиз.

Албатта, мураббий сифатида "Реал Мадрид" билан нима бўлаётганини кўришим керак эди. Бироқ, биз фақат ўзимизга эътибор қаратамиз", - деди 60 ёшли немис мутахассиси.