Мадриднинг "Реал" клуби учун келаётган ёз воқеаларга бой бўлиши мумкин. Хабар берганимиздек, Флорентино Перес "Манчестер Сити" ҳужумчиси Эрлинг Холанднинг трансферини амалга оширмоқчи. "Қироллик клуби" президенти юлдуз норвегиялик футболчини "халоскор" сифатида кўрмоқда, дея таъкидлайди Sky Sport. Қайд этилишича, "Реал" раҳбарининг ҳужумчи агенти Рафаэла Пимента билан музокаралари аллақачон бошланган. Бироқ, Перес битим жуда мураккаб бўлишини тушунади.

Холанд билан бирга "Реал"га мураббий Юрген Клопп ҳам келиши мумкин, уни ҳам Мадрид гранди президенти таклиф қилишни орзу қилмоқда. Аввалроқ, германиялик мураббий келаси мавсумдан "қаймоқранглилар"ни бошқаришга тайёрлиги ҳақида хабарлар тарқалган эди.