"Реал" жорий мавсум якунлангач, Альваро Арбелоа қайси шартга кўра клуб бош мураббийи лавозимида қолиши масаласини ҳал қилди.
ElDesmarque хабарига кўра, 42 ёшли мутахассис жорий мавсумда совринли ўринларни қўлга киритсагина, кейинги мавсумда "қаймоқранглилар"ни бошқаради. Арбелоа Испания чемпионати ёки Чемпионлар Лигасида ғолиб чиқиши керак.
Айни пайтда "Реал" Ла Лига турнир жадвалида 45 очко билан 2-ўринда бормоқда. Мадрид клуби пешқадам "Барселона"дан 4 очко ортда қолмоқда. Чемпионлар лигаси умумий жадвалида "қаймоқранглилар" 12 очко билан еттинчи ўринда бормоқда.
