"Марсел"нинг асосий ярим ҳимоячиси Пьер-Эмиль Хёйберг клубдаги келажаги борасида бир қарорга келди.
Нуфузли инсайдер Фабрицио Романонинг эксклюзив маълумотига кўра, тажрибали даниялик Роберто До Дзерби жамоасида камида 2025/26 йилги мавсум охиригача қолади. Бу ҳақда футболчининг агенти унга шахсан маълум қилган.
"У бор эътиборини 100 фоиз "Марсел"даги ўйинларга қаратган. Хёйберг клубда қолиб, "Марсел"нинг муваффақияти учун қўлидан келганини қилмоқчи. У бу жамоа билан нимагадир эришмоқчи", - деди Лука Пуччинелли.
Аввалроқ, Хёйбергга Туриннинг "Ювентус" клуби қизиқиш билдираётгани ҳақида хабарлар тарқалган эди.
