"Бавария" ҳужумкор ярим ҳимоячиси Жамал Мусиала 2025/2026 йилги мавсумда ҳали майдонга тушмади. Узоқ вақт давомида футболчи клублар ўртасидаги жаҳон чемпионатида олган жароҳатидан кейин тикланаётган эди.
Энди эса Мусиала майдонга қайтмоқда - "Бавария" бош мураббийи Венсан Компани 22 ёшли футболчи "РБ Лейпциг"га қарши ўйнаши мумкинлигини айтди.
"Агар бугун ҳаммаси режа бўйича кетса, унда у ўйинда иштирок этиши керак. Бу Мусиала учун ёқимли ва биз учун фойдали," - деди Компани жума кунги матбуот анжуманида.
"Бавария" 17 январь, шанба куни "РБ Лейпциг" меҳмони бўлади. Ўйин Тошкент вақти билан 22:30 да бошланади.
