"Брентфорд" ҳужумчиси Игор Тиаго болаликдаги орзуси - Бразилия терма жамоасида ўйнашни истаётганини тан олди.
"Бу ниҳоятда ҳаяжонли туйғу. ЖЧ-2026нинг бир қисми бўлишни жуда хоҳлайман, мен ҳар доим жаҳон чемпионатида ўйнашни орзу қилганман. Авваллари буни фақат телевизорда кўрардим, энди эса ўзим синаб кўришга яқинман. Худонинг ҳар бир инсон ҳаёти учун режаси бор. Агар Худонинг иродаси ва Карло Анчелоттининг иродаси шундай бўлса, ўз мамлакатим номидан вакиллик қилиш мен учун завқ ва шараф бўлади.
Мен тайёр эканимга ишонаман. Ҳаётда қила оладиган ягона ишим - гол уриш. Худо мени бунга тайёрлаб қўйган ва насиб қилса, Бразилияга олтинчи жаҳон чемпионлигини олиб келамиз," - дея Тьягонинг сўзларини келтиради The Guardian.
Жорий мавсумда 24 ёшли бразилиялик футболчи барча мусобақаларда 22та ўйинда майдонга тушиб, 17та гол урган ва 1та голга ҳаммуаллифлик қилган.
