"Эспаньол" мухлислари Испания чемпионатининг 20-туридан ўрин олган ўйин охирида "Жирона" дарвозабони Пауло Гассанига турли нарсалар улоқтирди. Отилган идишлардан бири 34 ёшли аргентиналикнинг бошига теккан, шундан сўнг майдонда кичик жанжал бошланган.
- Мен куляпман. Бунақаси фақат "Эспаньол"да бўлади. Гассанига мухлисларни ғазаблантирмоқда ва ҳеч нарса содир бўлмаяпти," - деди ўйиндан кейин "Эспаньол" устози Маноло Гонсалес.
Учрашув "Жирона"нинг 2:0 ҳисобидаги ғалабаси билан якунланди. "Жирона" очколарини 24тага етказиб, Ла Лига турнир жадвалида 9-ўринга кўтарилиб олди. "Эспаньол" 34 очко билан 5-поғонада бормоқда.
