Мадриднинг "Реал" клуби ярим ҳимоячиси Дани Себальос "Астон Вилла"нинг эҳтимолий трансфер мақсади ҳисобланади.
Бирмингем клуби "Атлетико"дан Конор Галлахерга даъвогар эди, аммо "Челси" тарбияланувчиси учун курашда "Тоттенхэм" ғалаба қозонди. talkSPORT хабарига кўра, "Вилла" "қаймоқранглилар"нинг асосий таркибида камдан-кам майдонга тушадиган Себальос номзодига ўтиши мумкин. Transfermarkt портали испаниялик футболчининг нархини 8 млн еврога баҳоламоқда.
Дани Себальос жорий мавсумда "Реал"нинг 17та ўйинида қатнашиб, самарали ҳаракат қилмади. 29 ёшли хавбекнинг амалдаги меҳнат шартномаси бир ярим йилдан сўнг ўз ниҳоясига етади.
