"Милан" томонидан А Сериянинг бошқа бир клуби "Лечче"га ижарага берилган Франческо Камарда "россонерилар" сафига қайтади, дея хабар бермоқда италиялик нуфузли журналист Николо Скира.
"Франческо Камарда яқин кунларда "Милан"га қайтади. У мавсумнинг иккинчи ярмида Массимилиано Аллегри жамоаси учун қўшимча куч бўлади," - деб ёзди Скира ижтимоий тармоқдаги саҳифасида.
Камарда "Лечче" сафида ўн еттита ўйинда майдонга тушиб, битта гол урган. "Милан" Италия А Серияси мусобақа жадвалида 2-ўринда бормоқда. Қизиғи шундаки, "Милан" чемпионатнинг кейинги турида айнан "Лечче"га қарши майдонга тушади.
