Нигериялик ҳужумчи Адемола Лукман қишки трансфер ойнасида "Аталанта"ни тарк этмайди. Бу ҳақда Calciomercato хабар берди.
Манбага кўра, Италия клуби раҳбарияти январь ойидаги трансфер ойнасида ҳужумчи билан хайрлашмоқчи эмас. Бергамоликлар уни камида 2025/2026 йилги мавсум охиригача сақлаб қолмоқчи, кейин эса тахминан 40 миллион еврога сотиши мумкин.
Адемола "Аталанта" билан 2027 йилнинг ярмигача шартнома мажбуриятлари билан боғланган. "Transfermarkt" портали ҳужумчининг бозор нархини 35 млн еврога баҳоламоқда.
Жорий мавсумда Лукман 16 та ўйин ўтказиб, 3 та гол ва 1 та голли узатма муаллифи бўлди.
