«Сурхон» сафига яна бир иқтидорли ва ёш футболчи қўшилди. Энди термизликлар сафида Беҳруз Жуматов тўп суради.
У 19 ёшда, марказий ҳимоячи позициясида ўйнайди, шунингдек, ҳимоя қанотларида ҳам ҳаракатлана олади. Футболчи Одил Аҳмедов Академияси тарбияланувчиси бўлиб, аввал «Олимпик»да ўйнаган ва ўтган мавсумни Жиззахнинг «Сўғдиёна» жамоасида ўтказган.
Таъкидлаш жоизки, Жуматов ўз ёшидаги энг яхши ҳимоячилардан бири ҳисобланади. У Ўзбекистон ёшлар терма жамоаси сафида 20та ўйин ўтказган ва шундан сўнг Европа клубларининг эътиборини тортган.
«Сурхон» ва Жуматов ўртасида 1 йилга мўлжалланган шартнома имзоланди.
Беҳруз Жуматов
Туғилган сана: 13.02.2006
Фуқаролиги: Ўзбекистон
Амплуа: марказий ҳимоячи
Ўйнаган клублари
2023-2024 - Олимпия
2024 - Олимпик
2025 - Сўғдиёна.













