Ярим ҳимоячи Эдоардо Бове "Рома"ни тарк этди. Рим клуби расмий сайти 23 ёшли футболчи билан шартномани бекор қилиш бўйича келишувга эришилгани ҳақида хабар тарқатди. "Рома" ўз тарбияланувчисига фаолиятининг кейинги босқичида муваффақиятлар тилади.
2024 йил декабрь ойида Эдоардо Бове "Фиорентина"да ижарада ўйнаб юрганида юрак хуружини ўтказди. Воқеадан сўнг Бове операция қилинди ва у фаолиятини Италияда давом эттира олмаслиги айтилди. Энди Эдоардо фаолиятини бошқа мамлакатда давом эттиради.
Бове "Рома" сафида 92 та ўйинда майдонга тушиб, тўртта гол урган ва шерикларига иккита голли узатмани амалга оширган.
