Yarim himoyachi Edoardo Bove "Roma"ni tark etdi. Rim klubi rasmiy sayti 23 yoshli futbolchi bilan shartnomani bekor qilish bo‘yicha kelishuvga erishilgani haqida xabar tarqatdi. "Roma" o‘z tarbiyalanuvchisiga faoliyatining keyingi bosqichida muvaffaqiyatlar tiladi.
2024 yil dekabr oyida Edoardo Bove "Fiorentina"da ijarada o‘ynab yurganida yurak xurujini o‘tkazdi. Voqeadan so‘ng Bove operasiya qilindi va u faoliyatini Italiyada davom ettira olmasligi aytildi. Endi Edoardo faoliyatini boshqa mamlakatda davom ettiradi.
Bove "Roma" safida 92 ta o‘yinda maydonga tushib, to‘rtta gol urgan va sheriklariga ikkita golli uzatmani amalga oshirgan.
