Нигерия терма жамоаси Африка Миллатлар Кубогининг бронза медали совриндори бўлди.

Учинчи ўрин учун кечган баҳсда нигерияликлар Мисрни мағлуб этишди. Учрашувнинг асосий вақти 0:0 ҳисобида дуранг билан якунланди. Нигерия пенальтилар сериясида аниқроқ бўлди - 4:2. Мисрликларда Муҳаммад Салоҳ ва Омар Мармуш ўз уринишларини амалга ошира олмади.

Нигерия саккизинчи марта Африка кубогининг бронза медалини қўлга киритди - бу турнир рекорди.

Африка кубоги финали 18 январь, якшанба куни бўлиб ўтади. Сенегал терма жамоаси Марокаш билан ўйнайди.

Африка кубоги. 3-ўрин учун ўйин.
17 январь, 21:00. Stade Mohamed V (Касабланка)
Миср - Нигерия - 0:0
Пенальтилар сериясида: 2:4
Миср: Шобеир, Рабиа, Фати, Собхи, Хани, Лашин, Сайед (Мармуш, 60), Ашур, Трезеге (Сабер, 61), Салоҳ, Мостафа Мохамед (Адель, 73)
Нигерия: Нвабили, Огбу, Аджайи (Авазьем, 90+3), Оньемаечи, Осайи-Самуэль (Ивоби, 65), Деле-Баширу, Оньедика, Саймон, Чуквуэзе (Эджуке, 90+1), Онуачу (Лукман, 46), Адамс
Огоҳлантиришлар: Онуачу, 39. Саймон, 45. Огбу, 87