"Атлетико" икки позицияни кучайтирмоқчи: марказий ярим ҳимоя ва қанот ҳужум чизиғи. Марказ учун "Вулверхэмптон"дан Жоао Гомес ва "Барселона"дан Марк Касадо, қанот учун "ПСЖ"дан Ли Кан Ин вариант бўлиб турибди.
Marca маълумотига кўра, "матрасчилар" 24 ёшли кореяликни анчадан бери кузатиб келишмоқда, бироқ аввалроқ у маош бўйича юқори талаблар ва "ПСЖ"нинг уни қўйиб юборишни истамаслиги туфайли жамоага келмаган эди. Энди эса Ли Кан Иннинг ўзи "ПСЖ"да ўйин амалиёти йўқлиги сабабли жамоани тарк этмоқчи.
"Валенсия"да кореялик футболчи билан бирга ишлаган "Атлетико" спорт директори Матеу Алемани жума куни ярим ҳимоячи трансфери устида ишлашни бошлаш учун Парижда эди.
Ли Канг Ин Лига 1 мавсумида 14 та ўйинда битта гол урди ва иккита голли узатмани амалга оширди, ўртача 62 дақиқа ўйнади.
