"Реал" бош мураббийи Альваро Арбелоа мухлисларнинг клуб президенти Флорентино Пересдан норозилигига изоҳ берди.
Ла Лига доирасидаги "Леванте"га қарши ўйинда (2:0) "Реал" мухлислари "Флорентино, кет!" дея ҳайқиришди ва футболчиларга ҳуштакбозлик қилишди. Шунингдек, Мадриддаги ўйин олдидан Перес танқид қилинган баннерлар пайдо бўлди.
"Мен бу ҳуштакбозлик, бу кампаниялар қаердан келаётганини биламан. Бу иш билан Флорентино жамоасини ёқтирмайдиганлар эмас, "Реал"ни ёқтирмайдиганлар шуғулланади.
Перес - "Реал" тарихида Сантьяго Бернабеу билан бир қаторда энг муҳим шахс. Биз, "Реал" мухлислари, Флорентино бу клуб учун нималар қилганини биламиз.
Биз бу норозиликлар қаердан келаётганини биламиз," - деди Арбелоа.
