2027 йилги Африка кубоги бирданига 3 та давлатда бўлиб ўтади. Бу ҳақда маҳаллий футбол конфедерацияси расмий сайти хабар бермоқда.

Эълон қилинган хабарга кўра, мусобақа Кения, Танзания ва Уганда стадионларида бўлиб ўтади. Турнир мезбонлиги учун Сенегал, Нигерия ва Бенин, шунингдек, Ботсвана ва Замбия каби бир қатор давлатлар даъвогарлик қилган.

"Мен бутун Африка бўйлаб футболни ривожлантиришга мажбурман. Мен футболнинг ривожланишини энг яхши инфратузилмага эга мамлакатлар билан чеклай олмайман ва Кения, Уганда ва Танзаниядаги турнир катта муваффақиятга эришишига ишонаман," - деди Африка футболи раҳбари Патрис Мотсепе.

Африка кубоги охирги марта 1976 йилда қитъа шарқида Эфиопия мезбонлигида ўтказилган. Кейинги турнир тоқ йиллар бўйича ўтказиладиган охирги турнир бўлади. 2028 йилдан бошлаб у 2 йилда бир марта эмас, 4 йилда бир марта ўтказилади.