"Манчестер Юнайтед"нинг бразилиялик ярим ҳимоячиси Каземиро манкунианликлар сафида тўп тепаётганидан бахтиёр эканини айтди.
Унинг сўзларига кўра, "МЮ" Англиянинг энг йирик клуби ҳисобланади.
"Мен бундан завқланаман ва кийиниш хонасидаги барча футболчиларга бу туйғуни етказишга ҳаракат қиламан: "Манчестер Юнайтед" учун ўйнаш муҳим. Бу ерга келиш жуда қийин," - дея футболчининг сўзларини келтиради журналист Томас Аленкар.
2025/2026 йилги мавсумда бразилиялик футболчи клуб сафида барча турнирларда 20 та ўйин ўтказиб, тўртта гол урди ва битта голли узатмани амалга оширди.
33 ёшли бразилияликнинг бозор нархи саккиз миллион еврони ташкил этади. Унинг "МЮ" билан амалдаги шартномаси жорий мавсум якунига қадар имзоланган.
