"Кристал Пэлас" марказий ҳимоячиси Марк Гехи яқин вақт ичида "Манчестер Сити" сафига қўшилиши кутилмоқда.
«Бургутлар» сардори аллақачон трансферга розилик берган. Журналист Пол Джойс маълум қилишича, "Ливерпуль" томони охиригача футболчи аввалроқ ўтказилган музокараларда клубнинг саъй-ҳаракатларини инобатга олиб, келаси ёзгача кутиб туришига умид қилган. Бироқ бу амалга ошмади: 25 ёшли англиялик мавсум давомидаёқ «шаҳарликлар» сафига ўтишга қарор қилди ва «Кристал Пэлас» билан шартномаси якунини кутмади.
Марк Гехи трансфери «Манчестер Сити»га тахминан 23 миллион еврога тушади. Эслатиб ўтамиз, ўтган ёзда футболчи «Ливерпуль»га ўтишга жуда яқин бўлган, аммо келишув сўнгги паллада барбод бўлган эди.
