Миланнинг "Интер" клуби келаси ёзда "Реал" футболчисини ўз сафига қўшиб олиш орқали шов-шувли трансферни амалга ошириши мумкин. Гап 18 ёшли ҳужумкор ярим ҳимоячи Франко Мастантуоно ҳақида кетмоқда.
"Нерадзуррилар" шунингдек Николас Пас ва Арда Гюлерга ҳам даъвогар бўлган, бироқ аргентиналик футболчи ярим йилдан сўнг яна "қаймоқранглилар" сафига қайтиши кутилмоқда, туркияликнинг эса Мадридни тарк этиши эҳтимоли паст. Шу боис, Calciomercato қайд этишича, "Интер"да энг "қўл етадиган" номзод сифатида айнан Мастантуоно кўрилмоқда. Милан гранди эгалари "қаймоқранглилар"нинг истиқболли футболчисини сотиб олиш учун катта маблағ сарфлашга тайёр экани айтилмоқда.
"Реал" Мастантуоно бўйича келишувни маъқуллаши мумкин, агар унга Николас Паснинг "Комо"га ўтишида бўлгани каби, қайта сотиб олиш банди киритилса.
