Milanning "Inter" klubi kelasi yozda "Real" futbolchisini o‘z safiga qo‘shib olish orqali shov-shuvli transferni amalga oshirishi mumkin. Gap 18 yoshli hujumkor yarim himoyachi Franko Mastantuono haqida ketmoqda.
"Neradzurrilar" shuningdek Nikolas Pas va Arda Gyulerga ham da’vogar bo‘lgan, biroq argentinalik futbolchi yarim yildan so‘ng yana "qaymoqranglilar" safiga qaytishi kutilmoqda, turkiyalikning esa Madridni tark etishi ehtimoli past. Shu bois, Calciomercato qayd etishicha, "Inter"da eng "qo‘l yetadigan" nomzod sifatida aynan Mastantuono ko‘rilmoqda. Milan grandi egalari "qaymoqranglilar"ning istiqbolli futbolchisini sotib olish uchun katta mablag‘ sarflashga tayyor ekani aytilmoqda.
"Real" Mastantuono bo‘yicha kelishuvni ma’qullashi mumkin, agar unga Nikolas Pasning "Komo"ga o‘tishida bo‘lgani kabi, qayta sotib olish bandi kiritilsa.
