"Реал" ва "ПСЖ" "Челси" яримҳимоячиси Энцо Фернандесни ўз сафига қўшиб олишда катта устунликка эга бўлди. Бу ҳақда TeamTalk ёзмоқда.
Таъкидланишича, лондонликлар ёзда ўз юлдузини муносиб нархга қўйиб юборишга тайёр. "Кўклар" босслари энди Фернандесни "дахлсиз" ҳисобламайди.
Хавбекнинг меҳнат шартномаси 2032 йилнинг ёзигача амал қилади. Transfermarkt портали футболчининг нархини 85 млн еврога баҳоламоқда. Жорий мавсумда Энцо Фернандес "Челси" сафида 31 та ўйинда майдонга тушди. Унда хавбек саккизта гол уриб, тўртта голли узатмани амалга оширди.













