"Ливерпуль" янги ҳимоячи сотиб олишни режалаштирмоқда. Бу ҳақда TEAMtalk хабар берди.
Аввалроқ "қизиллар" таркибда Марк Гехини кўришни истаган эди, бироқ футболчи "Манчестер Сити"га ўтишга яқин. Шу сабабли эндиликда "Ливерпуль"нинг асосий мақсадларидан бири "Интер" ҳимоячиси Алессандро Бастони ҳисобланмоқда. Қайд этилишича, италиялик футболчи бошқа чемпионатда ўзини синаб кўришга жуда қизиқмоқда.
Шунингдек, "Ливерпуль" марказий ҳимоячи позицияси учун номзодлар рўйхатида "Боруссия" Д футболчиси Нико Шлоттербек ҳам бор. У жорий йил ёзидаги жаҳон чемпионатидан сўнг клубини тарк этиши кутилмоқда.
