"Милан" дарвозабон Майк Меньян билан шартномани узайтириш бўйича музокараларни давом эттирмоқда.
Амалдаги келишув мавсум якунлангач тугайди, бироқ аввал ҳам бир неча бор хабар қилинганидек, томонлар янги битимга яқин.
"Биз Меньян келаси ҳафта якуний жавобини беради, деб кутяпмиз ва келишувга эриша олишимизга ишонамиз. Майк "Милан"ни яхши кўради, клуб эса уни сақлаб қолишни истайди. Биз ҳамкорликни давом эттириш ниятидамиз", — деди "россонерилар" спорт директори Игли Таре DAZN билан суҳбатда.













