"Комо" бош мураббийи Сеск Фабрегас Италия чемпионатида "Лацио"га қарши ўйин олдидан фикр билдирди. А Сериянинг 21-тури доирасидаги учрашув 19 январь куни бўлиб ўтади ва Тошкент вақти билан соат 00:45 да старт олади.
"Биз "Милан"га қарши ўйиндан кейин тўлиқ қониқмадик, бироқ ҳаракатларимиздан фахрланамиз. Футболчилар ҳис қилаётган хафалик энергияга айланиши керак. Биз ўз футболимизни ўйнашда давом этишимиз шарт", — дея Фабрегаснинг сўзларини журналист Альфредо Педула.
"Лацио"? Жамоа ўсиб бормоқда. Сарри қўл остида клуб аниқ ўйин услубига эга. Ярим ҳимояда икки кучли қанот ўйинчиси бор, ҳимояси жуда мустаҳкам ва ихчам. Бу рақиб менга жуда ёқади. Услуб жиҳатидан бир-бирига яқин бўлган жамоалар ўртасида ажойиб ўйин бўлади", — дея қўшимча қилди Фабрегас.
Айни пайтда "Комо" 34 очко билан турнир жадвалида олтинчи ўринда бормоқда, "Лацио" эса 28 очко билан тўққизинчи поғонада жойлашган.
