"Ювентус" марказий ҳимоячи Федерико Гаттини сотиб олиш бўйича "Милан" таклифини рад этди. Бу ҳақда журналист Никола Скира хабар берди.
Маълум қилинишича, "Ювентус" Гаттини таркибда сақлаб қолишдан манфаатдор бўлиб, нафақат "Милан" таклифини, балки АПЛнинг бир нечта клубларидан келган сўровларни ҳам рад этган. Манба, шунингдек, 27 ёшли футболчи ҳозирча А Серияда 17-ўринда бораётган "Фиорентина"га ўтиш бўйича ҳеч қандай музокара олиб бормаётганини билдирди.
Федерико 2022 йил январидан бери "бьянконерилар" сафида тўп тепиб келмоқда. Жорий мавсумда у клуб даражасида 14 та ўйинда майдонга тушиб, 2 та гол урди ва 3 та сариқ карточка олди. Илгарироқ ОАВда уни Рубен Лофтус-Чикка алмаштириш варианти муҳокама қилингани ҳақида хабарлар тарқалган эди.













