Ҳужумкор ярим ҳимоячи Браим Диас Африка миллатлар кубоги финалида содир бўлган ҳолатни оғир қабул қилмоқда. "Реал" футболчиси Марокаш терма жамоасига соврин олиб келиши мумкин эди, бироқ иккинчи бўлим охирида ҳисоб 0:0 бўлган пайтда пенальтини паненка усулида ижро этиб, гол ура олмади. Шундан сўнг ўйин қўшимча вақтга ўтди ва унда Сенегал ягона голни киритиб, ғалаба қозонди.

indykaila News хабар беришича, айни пайтда Браим Диас ҳеч кимнинг телефон қўнғироқларига жавоб бермаяпти. Кўриниб турибдики, футболчи бир муддат ёлғиз қолишни истамоқда. Шу билан бирга, у ижтимоий тармоқларда расмий мурожаат ҳам қолдирган.

Яқин вақт ичида Браим Диас "Реал" жойлашган қароргоҳга қайтиши кутилмоқда.