"Челси" ҳимоячиси Аксель Дисаси Англия Премьер-лигасининг бошқа бир клубига ўтиши мумкин.

Экрем Конур маълумотларига кўра, француз футболчисини ўз сафига қўшиб олиш учун курашда "Вулверхэмптон" ва "Кристал Пэлас" етакчилик қилмоқда. "Кўклар" Дисасини 23–26 миллион евро эвазига сотишга тайёр. Шунингдек, лондонликлар футболчини мажбурий сотиб олиш шарти билан ижарага бериш вариантини ҳам кўриб чиқиши мумкин, бу эса эҳтимолий харидорларга каттароқ мослашувчанлик беради.

Аксель Дисаси 2023 йилда "Монако"дан "Челси"га 45 миллион евро эвазига кўчиб ўтган. Унинг тузган шартномаси 2029 йил 30 июнига қадар амал қилади. Transfermarkt портали ҳимоячининг бозор қийматини 15 миллион евро деб баҳолайди.