"Рома" марказий ҳужумчиси Артём Довбик жарроҳлик амалиётини бошдан кечирди. Бу ҳақда футболчининг ўзи ижтимоий тармоқлар орқали маълум қилди.
"Жароҳатлар — ўйиннинг бир қисми. Ҳозир барча эътиборим тикланишга қаратилган. Мен янада кучлироқ бўлиб қайтаман. Қўллаб-қувватлаган барчага раҳмат. Яқин орада кўришгунча", — деб ёзди ҳужумчи ижтимоий тармоқларда.
Тахминларга кўра, сон соҳасидаги операция сабабли 28 ёшли футболчи тахминан икки ой майдонга туша олмайди.
Жорий мавсумда украиналик ҳужумчи 17 та учрашувда иштирок этиб, 3 та гол урди ва 2 та голли узатмани амалга оширди.
