"Арсенал" бош мураббийи Микель Артета Чемпионлар лигаси доирасида Миланнинг "Интер" жамоасига қарши бўлажак баҳсни ўтган мавсумда шу босқичда ўтган тўқнашув билан солиштирди.
Эслатиб ўтамиз, 2024 йил ноябрь ойида "Интер" ўз майдонида 1:0 ҳисобида ғалаба қозонган эди. Ўшанда ягона голни пенальтидан Хакан Чалханўғли урган.
"Вазият ўтган йилгисига жуда ўхшаш, гарчи ҳозир жамоаларнинг ҳолати бироз фарқ қилса ҳам. Рақибда янги мураббий бор ва менинг фикримча, у аллақачон жамоага ўзига хослик ва ўйин услуби элементларини олиб кирди", — дея испаниялик мутахассиснинг сўзларини келтирди УЕФА матбуот хизмати.
"Интер" — "Арсенал" учрашуви 20 январь куни Миланда бўлиб ўтади.
