"Интер" ёзда йирик трансфер амалга оширишни режалаштирмоқда. Бу ҳақда Calciomercato хабар берди.
Манба маълумотларига кўра, миланликлар учун асосий трансфер мақсад — "Реал" вингери Франко Мастантуоно ҳисобланади. Қайд этилишича, "Реал" аргентиналик футболчини кейинчалик қайта сотиб олиш ҳуқуқи билан қўйиб юборишга тайёр. Худди шу схема аввалроқ Нико Паснинг "Комо"га ўтишида қўлланилган эди.
Франко Мастантуоно 2025 йилда 45 миллион евро эвазига "Ривер Плейт"дан "Реал"га кўчиб ўтган. Унинг мадридликлар билан шартномаси 2031 йил 30 июнига қадар амал қилади.













