Лондоннинг "Арсенал" клуби форварди Габриэль Жезус Бразилия чемпионатида ишлаш имкониятига эга. 28 ёшли футболчини ўз сафига қўшиб олишга "Палмейрас" клуби қизиқиш билдирмоқда, деб хабар беради Mail Sport.
"Канонирлар" устози январь ойидаги трансфер ойнасида Жезусни қўйиб юбормаслигини маълум қилди. Испаниялик мутахассис АПЛ чемпионлиги учун курашда бразилияликнинг ёрдамига умид қилмоқда.
Англия чемпионатининг жорий мавсумида Габриэль Лондон жамоасининг еттита учрашувида иштирок этди. Бразилиялик футболчи битта гол урди. "Арсенал" Премьер-лигада энг яқин таъқибчисини 7 очкога ортда қолдириб, пешқадамлик қилмоқда.
