Лондоннинг "Тоттенхэм" клуби сафида тўп тепаётган нидерландиялик ҳимоячи Микки ван де Вен Англиянинг амалдаги чемпиони "Ливерпуль" қизиқишлари доирасида бўлиб турибди. Бу ҳақда Fijaches журналистлари хабар бермоқда.
Манбага кўра, мерсисайдликлар "шпорлар"га футболчининг трансфери учун 90 миллион евро беришга тайёр. Ван де Веннинг лондонликлар билан амалдаги шартномаси 2029 йилнинг июнь ойи охирида ўз ниҳоясига етади.
Англия премьер-лигасининг жорий мавсумида 24 ёшли ҳимоячи "Тоттенхэм" сафида 21 та учрашув ўтказди. Нидерландиялик футболчи 3 та гол ва битта ассистни ўз ҳисобига ёздириб қўйди.
