"ПСЖ"ни бошқараётган испаниялик мураббий Луис Энрике Франция жамоасининг Чемпионлар лигасидаги мақсадлари ҳақидаги саволга жавоб берди.

Бугун, 20 январь куни парижликлар Чемпионлар лигаси умумий босқич 7-тури доирасида "Спортинг"га қарши баҳс олиб боради. Турнир жадвалида "ПСЖ" учинчи ўринда бормоқда.

"Жамоанинг ишончи учун бу ўйинда ғалаба қозониш муҳим, аммо бу идеал эканига ишончим комил эмас, чунки ўшанда плей-офф босқичида ўйнамаймиз. EЧЛда кучли саккизликка кириш - бизнинг мақсадимиз, аммо бу биз учун яхши бўлиши шарт эмас", - дея мураббийнинг сўзларини келтиради L'Equipe.

Эслатиб ўтамиз, дастлабки 8та жамоа 1/8 финалга тўғридан-тўғри йўлланмани қўлга киритади. 9-ўриндан 24-ўрингача бўлган клублар плей-офф босқичида ўйнайди.