"Манчестер Юнайтед" бош мураббийликка Нико Ковач номзодини кўриб чиқмоқда.
Sky Sport хабарига кўра, 54 ёшли мутахассис инглиз клубининг шорт-листидан ўрин олган. Манкунианликлар мураббийнинг келажаги билан боғлиқ вазиятни суриштирди. Бундан ташқари, унинг номзоди "Челси"да Энцо Маресканинг истеъфосидан кейин ва Лиам Росеньор тайинланишидан олдин муҳокама қилинган.
Қайд этилишича, Ковач ҳозирда бор эътиборини Дортмунднинг "Боруссия"сида ишлашга қаратган, бироқ келажакда Англияда ишлашга тайёр. Унинг немис клуби билан шартномаси 2027 йилгача мўлжалланган.
Айни пайтда "Манчестер Юнайтед"ни Майкл Кэррик бошқармоқда. У мавсум охиригача тайинланди.
