"Ювентус" ҳимоячиси Бремер жароҳатидан тикланиш даврида нималар билан шуғулланганини гапириб берди.

Бразилиялик футболчи сентябрь ойининг охиридан декабрь ойининг бошигача мениск ёрилиши туфайли майдонга тушмади.

- Узоқ тикланиш туфайли ўйнамадингиз. Бу сизга нима берди?

- Мен гитара чалишни ўргандим, бу менинг азалий иштиёқим ва оилам билан шуғулланишга вақт топдим. Вақти-вақти билан беш ёшли қизим Агата менга: "Дада, ўзингизни бошқа хафа қилманг", дерди. Яна китоблар.

- Нима ўқишни яхши кўрасиз?

- "Уруш санъати" ва узоқни кўрувчи, теран фикрли муаллифларнинг, айниқса, Аристотелнинг фалсафий эсселари. Реабилитация пайтида эса Баджо ва Дель Пьеро ҳикояларини ўқидим: жиддий жароҳатдан кейин ҳаётга қандай қайтишни тушунишни истадим", - деди Бремер.