21 январга ўтар кечаси Чемпионлар лигасининг умумий босқичи 7-тури доирасида "Интер" ва "Арсенал" ўртасида баҳс бўлиб ўтади.
Жамоалар Миландаги "Джузеппе Меацца" стадионида тўқнаш келади.
"Интер" Чемпионлар лигасида сўнгги икки ўйинда мағлуб бўлганига қарамай, Opta суперкомпьютери версиясига кўра, ушбу баҳсда кичик фаворит ҳисобланади. Миланликларнинг ғалаба қозониш эҳтимоли 37,3 фоизни ташкил этса, лондонликларники 34,4 фоизга баҳоланган.
Жамоалар сўнгги марта 2024 йилда Чемпионлар лигасининг умумий босқичида ўзаро баҳс олиб борган. Ўшанда учрашув "Интер"нинг уйда 1:0 ҳисобидаги минимал ғалабаси билан якунланган эди.
