"Реал"нинг собиқ футболчиси Гарет Бэйл доим пулсиз қолишдан қўрққанини тан олди. Уэльслик футболчи фаолиятини анча эрта — 33 ёшида якунлаган.
"Банкрот бўлиш менга доим қўрқинчли туюларди. Фаолиятини тугатгандан кейин пулсиз қолиб кетган спортчилар ҳақида мақолаларни ўқийсиз. Улар пулни қандай бошқаришни, мулки билан нима қилишни билмайди. Кўплаб спортчилар ҳаддан ташқари дабдабали ҳаёт кечиради, мен эса бундан қочишга ҳаракат қилдим. Мен ҳар доим футболдан кейинги ҳаётим қандай бўлиши ҳақида ўйлардим.
Фаолиятни якунлаганингиздан кейин сизга пул тўлашмайди. Одамлар ҳаётини қандай қайта қуришади? Мен доим диверсификация қилишга интилдим. Бир нечта лойиҳаларга инвестиция киритиш ғоям бор эди. Агар улардан бири муваффақиятсиз чиқса ҳам барчасини йўқотмасдим", — дея Бэйлнинг сўзларини келтиради The Touchline.
Фаолияти давомида Гарет Бэйл "Саутгемптон", "Тоттенхэм", "Реал" ва "Лос-Анжелес" клубларида тўп тепган.
