Marca газетаси журналисти Оскар Бадало Валерий Карпин "Реал Сосьедад" бош мураббийлигига таклиф этилиши мумкинлиги ҳақидаги фикрлари билан ўртоқлашди.
Мутахассиснинг айтишича, у Карпинни "Реал Сосьедад" мухлислари ҳали ҳам эслаб юрадиган ажойиб футболчи деб билади.
"Мен уни мураббий сифатида яхши билмайман, аммо ишончим комилки, у келажакда "Реал Сосьедад" бош мураббийлигига номзодлардан бири бўлиши мумкин. Бу фантастика эмас - Карпин чемпионатимизни билади", - дея Бадалонинг сўзларини келтиради RB Sport.
Шу билан бирга, журналистнинг таъкидлашича, "Реал Сосьедад"нинг кўплаб собиқ футболчилари ҳозирда мураббийлик қилмоқда, шунинг учун Карпин клуб рўйхатида бўлса ҳам, у ягона бўлмаслиги аниқ.
